په‌یام نێر چی به سه‌ر هات؟
حه‌وتووی ڕابووردوو هه‌واڵێك له‌په‌یامنێر بڵاو بووه‌وه كه باسی له ده‌ست پێكردن و هاتوو چۆ و كردنه‌وه‌ی فڕۆكه‌خانه‌كان ده‌كرد كه منیش له گه‌ڵ وینه‌ی فرۆكه زه‌رد و سه‌وزه‌كه دا لینكی ئه‌و هه‌واڵه‌م له بلۆگی سه‌رتوون دانا چونكه به پیی هه‌واله‌كه وزیری گواستنه‌وه شتێكی خۆشی گوتبوو، به‌ڵام وابزانم ئه‌و هه‌واڵه بووه به هۆی ئه‌وه‌ی كه په‌یامنێر ڕابگرن، هه‌ر چه‌نده په‌یامنێر داوای لێ بووردنی له وزیری گواستنه‌وه كردبوو و گوتبووی گوایه ئه‌و هه‌واڵه هێندێك بێ وژدانی لێ دیاره.
له ناوچه زه‌رد هه‌ڵگه‌ڕاوه‌كه‌ی باشووری كوردستان بۆت نیه ڕه‌خنه و شتی له‌م بابه‌ته بگری له وه‌زیر و مه‌زیران یان هه‌موو شتێكیان بڵاو بكه‌یته‌وه چونكه له‌م ناوچه‌یه وه‌ك چون برا عه‌ره‌به‌كانیان له هێندێك شوێن ده‌ڵێن( ته‌دخین مه‌منووع) له‌و ناوچه و باژێڕه‌ش ڕه‌خنه مه‌منووع، ده‌بێ به‌‌وپه‌ڕی وریایییه‌وه هه‌ڵسوو كه‌وت بكه‌ی له گه‌ڵ پێشهاته‌كانی ڕۆژدا. دهنا به پێچه‌وانه چاره‌نووسی په‌یامنێر كه له سه‌ر هه‌واڵی هه‌فته‌ی ڕابووردوو كه نووسیبووی وه‌زیری گواسته‌وه له‌گه‌ڵ په‌یامنێران به كوردی قسه‌ی نه‌كرد و وتی زمانی عه‌ره‌بی ڕه‌سمییه چاره‌نووسی هه‌مووانه له‌و باژێڕه.
ئه‌وه‌ی ئه‌و هه‌اڵه‌ی كه باسمان كرد له پیامیێر دیتبێ ده‌زانێ كه په‌یامنێر ڕه‌خنه‌ی نه‌گرتبوو به‌ڵكوو وه‌ك هه‌واڵ بلاوی كردبووه‌وه، ئه‌ی ئه‌وانه‌ی ڕه‌خنه بگرن ده‌بێ سزا و پاداشیان چی بێ! كه وابوو هه‌واڵنێرانیش بۆیان نیه هه‌موو ڕاستییه‌ك له میدیا ئاشكرا بكه‌ن. ئه‌مه نیشانده‌ری ئه‌وه‌یه كه پێشێل كردنی مافی ئازادی عه‌قیده و به‌یان و مافی په‌یامنێران له ژێر ده‌سه‌ڵاتی پارتی دێموكراتی كوردستانی (به گوته‌ی خۆیان) عێراق چ فه‌رقێكی نیه له گه‌ڵ ئه‌و پێشل كردنه‌ی كۆمار ئیسلامی داگیركه‌ری ڕۆژهه‌ڵاتی كوردستان ده‌یكا.
هۆگر
2 تێبینی
2 Comments:
ئیتر شاره‌کانیان جیاکرده‌وه‌و ڕه‌نگه‌کانیشیان شێواند...ئه‌م حیزبانه تاکه‌ی ئاوا به‌دوای مه‌رامی حیزبی خۆیان ده‌که‌ون؟؟؟
وێڕای به خێر هاتنت بۆ بناری سه‌رتوون
كاك ئالان له گوندی بێ مه‌لا خه‌ڵكی به قووقه‌ی كه‌ڵه‌باب له خه‌وهه‌ڵده‌ستن، له ڕاستیدا كورد له به‌ر نه‌بوونی هێزێكی نه‌ته‌وه‌یی و نه‌بوونی ڕێبه‌رێكی نه‌ته‌وه‌یی وه‌دووی ئه‌مانه ده‌كه‌ون دهنا كێ هه‌یه‌كه نه‌زانێ ئه‌مانه چین و كێن. سه‌ركه‌وتوو بیت و هیوام وایه جار و بار سه‌ردانی بلۆگه‌كه‌مان بكه‌ی
Post a Comment
<< Home