ڕۆژ تی‌ڤی

هه‌ر چه‌نده من ماوه‌یه‌كی زۆره له بلۆگاوا دوورم و هیچ كاتم نه‌بوه ته‌نانه‌ت سه‌ردان بكه‌م به‌ڵام له‌به‌ر ئه‌وه‌ی له‌سایتی رۆژ تی‌ڤی شتێكم بینی به پێویستم زانی كه ئیشاره‌یه‌كی پێ بكه‌م.

نازانم یان من چاوه‌كانم باش نابینن یان رۆژ تی‌ڤی مه‌به‌سی شتێكی تری یان هه‌یه‌ و یان لێره‌دا من هه‌له‌یه‌ك ده‌بینم، كه‌ ئه‌ویش ئه‌وه‌یه له سایتی رۆژ تی‌ڤی دا وه‌ك سایتێكی میدیای كوردی وابزانم ده‌بوایه‌ ئاڵایه‌كی كوردستانیان دانابا. گه‌رچی به‌شێوه‌ی ته‌یبڵ به‌سێ ره‌نگی سه‌وز و زه‌رد و سوور مه‌نیۆ یه‌كیان داناوه‌ كه ئه‌گه‌ر مه‌به‌ستیان له‌و ڕه‌نگانه ئاڵای كوردستانه، ئه‌ا به‌ داخه‌وه (بیلامانایه‌كی) لێیان تێك چووه ودانانی ئه‌و سێ ره‌نگه به‌و شێوه‌ی ئه‌وان دایان ناوه زیاتر وه‌ك ئتیۆپیا و ئیران ده‌چێ. كه به ڕاستی جێگای داخه بۆ ده‌زگایه‌كی وه‌ك رۆژ تی‌ڤی كه هه‌له‌ی ئاوا گه‌وره‌ بكات و ئه‌گه‌ر مه‌به‌ستیشیان ئاڵای كوردستان نیه‌ ئه‌وا من داوای لێ بووردنیان لێ ده‌كه‌م. كه ئه‌مه‌یش وێنه‌كه‌یه‌تی. ‌

ئه‌ی ڕه‌قیب هه‌ر ماوه قه‌ومی کورد زمان- نایشکێنێ دانه‌ری تۆپی زه‌مان

به درێژایی مێژوو کورد چه‌وساوه‌ته‌وه و ده‌چه‌وسێته‌وه و له هێندێک له ناوچه‌کانی کوردستان که له ژێر چه‌پۆکی داگیرکه‌ران و شه‌وپه‌ره‌ستان‌دایه، کوردیان وه‌ک گرووپێکی وه‌حشی و کێوی له‌م بابه‌ته‌ له قه‌ڵه‌م داوه و هیچ جۆره مافێکیان پێ ڕه‌وا نه‌دیتراوه وه‌کوو کورد حاشا له بوونیان کراوه، به‌ڵام خۆشبه‌ختانه ئه‌مڕۆ به هۆی ڕه‌وتی ڕووداوه‌کانی کۆتایی سه‌ده‌ی بیست‌ و سه‌ره‌تای سه‌ده‌ی بیست ویه‌که‌وه به‌ تایبه‌ت له ڕۆژهه‌ڵاتی ناوه‌ڕاستدا، کورد تا ڕاده‌یه‌ک توانیه‌تی بوونی خۆی وه‌ک گه‌لێکی ئاشتیخواز و قاره‌مان ڕابگه‌یێنێ.
سه‌ره‌ڕای ئه‌وه‌ی که له باشووری کوردستان له پازده ساڵی ڕابووردوودا وه‌ده‌ست هاتوه پڕشنگ و بڵێسه‌‌ی ئاگری ئازادی باشوور و ئاگری نه‌ورۆزی 2706ی کوردی سه‌راپای باکووری کوردستانیش که‌وتووه‌ته خرۆش و به به‌خت کردنی گیانی خۆیان به داگیر که‌رانی کوردستانی مه‌زنیان سه‌لماند که گه‌لی هه‌میشه قاره‌مانی کورد هه‌ر زیندوویه‌ هه‌ر ده‌بێ یه‌ک بگرێته‌وه، که من وه‌ک کوردێکی ڕۆژهه‌ڵاتی له ناخی دڵمه‌وه پیرۆزبایی و داوای سه‌رکه‌وتنیان بۆ ده‌که‌م.
هه‌ر له‌و به‌شه‌ی کوردستان کورده‌ به‌ زۆر به تورک کراوه‌کان له شاری قیرشه‌هیر ئێستا داوای ناسنامه‌ی کوردی خویان ده‌که‌ن. ‌

به هیوای سه‌رکه‌تنی یه‌کجاری بۆ گه‌لی قاره‌مانی کورد

ڵێره‌یش ده‌توانی بلۆگ بكه‌یته‌وه

بلۆگسته‌رشوێنێكی دیكه بۆ ئه‌وانه‌ی له‌ بلۆگ ده‌گه‌‌ڕێن له‌ ڕاستیدا ره‌نگه وه‌كوو بلۆگ سپۆت ڕاحه‌ت نه‌بێ بۆ زۆر شتی وه‌كوو ئیدیت و دلێه‌یت كردنی شتێكی كه به كه‌یفت نه‌بێ به‌ڵام ئه‌وه هه‌یه‌ و هه‌ركه‌س پێی خۆش بێت به كوردێش ده‌توانێ بنووسێ و وێنه ‌دابنێ، باشتر وایه ئه‌گه‌ر مه‌یلتان هه‌بێ خراپ نیه‌ له‌هه‌موو لایه‌كه‌وه‌ كورد ناوی هه‌بێ

نه‌ورۆزتان پیرۆز بێ

ساڵی تازه‌ی 2706‌ی كوردی له گه‌ڵی شۆڕشگێڕی كورد پیرۆز بێ و هیوادارم ساڵی یه‌كگرتنه‌وه‌ی هه‌ر چوار پارچه‌ی كوردستان بێت و ساڵی سه‌ربه‌ستی و سه‌ربه‌خۆیی بێت بۆ گه‌لی هه‌میشه قاره‌مانی كورد

عه‌ینه‌كیش ده‌ردێكی گرانه

ماوه‌یه‌ك بوو سه‌رم زۆر دێشا به تایبه‌ت كه خه‌ریكی خوێندنه‌وه ده‌بووم یان له‌لای كۆمپیووته‌ر، ڕۆژێك براده‌رێكم وتی من وا ده‌زانم ئه‌تو پێویستیت به دوكتۆری چاو هه‌یه‌ منیش به‌ قسه‌م كرد و هه‌ستام چوومه لای دوكتور، ڕاستی د‌ه‌كرد من موشكیله‌ی چاوم هه‌بوو به‌رهه‌ر حاڵ دوكتور عه‌ینه‌كی بۆ نووسیم و منیش چووم چوار چێوه‌ی عه‌ینكێكی جوانم هه‌ڵبژارد، به‌ڵێ پاش چه‌ند حه‌وتوویه‌ك عه‌ینه‌ك دروست بوون و بۆم هاته‌وه و منیش له‌چاوم كردن به‌ینی خۆمان بێت سه‌ر ئێشه نه‌مابوو.

به‌ڵام ئه‌مڕۆ كاك هێمای كوڕم كه ته‌مه‌نی ته‌مه‌نی نه‌بووه‌ته ‌2 ساڵ تا ئاوڕم داوه له‌ت و په‌تی كردن و عه‌ینه‌ك ئێوه سڵامه‌ت ئه‌وا ئێستا سه‌رم دێشێ و زیاتر سه‌ری ئێوه‌ش نایه‌شێنم

به‌دۆعا تا عه‌ینه‌ك دروست ده‌كه‌مه‌وه

ئه‌م كاته‌تان باش

وێڕای سۆپاس و پێ زانین بۆ ئه‌و میوانه ‌به‌ڕێزانه‌ی كه له‌و ماوه‌دا سه‌ردانی بناری سه‌رتوونیان كردوه و ئێمه‌یش له ماڵ نه‌بووین چه‌ند كه‌سێك له ڕێگای مایڵه‌كه‌مانه‌وه پێوه‌ندییان له گه‌ڵ گرتووین و چه‌ند میوانێكیش داوای خۆ ناساندن كردووه كه دیاره منیش وڵامم داونه‌وه‌، دیاره من زۆر بیرم له‌وه نه‌ده‌كرده‌وه‌ كه هه‌بوونی بلۆگ خۆناساندنی بوێت بۆیه تا ێستا هیچ وێنه‌ وشتم دانه‌ناوه یان ناوی خۆم نه‌نه‌نووسیوه به‌ هه‌ر حاڵ سوپاس بۆ هه‌موو لایه‌ك و ‌سه‌ركه‌تنی هه‌موو لایه‌ك به‌ئاوات ده‌خوازم

زێده‌كه‌م

زێده‌كه‌م


زێده‌كه‌م لێم زیز مه‌به من ڕۆڵه‌كه‌ی جارانتم
گه‌رچی لێت دوورم به‌ڵام، من به‌ ڕۆح قوربانتم
دیده‌كانم نابینان ئه‌مڕو بۆ دیتنی دیلانه‌كه‌ت
بێ تۆ ناژیم من پڕ به دڵ هاوار ئه‌كه‌م وه‌یلانتم‌

تۆ به‌هه‌شتی هه‌ردوو دنیای، بۆ منی وه‌یلانی كورد
وێرانه‌كه‌ت كاخی شاهه‌نشاهییه،‌ بۆ منی بێ لانی كورد
سه‌د هێنده دوور بم من، دڵ به قوربانی وێرانه‌كه‌ت
قه‌د له بیرت ناكه‌م ئه‌من، پێشمه‌رگه‌كه‌ی جارانتم

هۆگر- م

2003

شه‌وانی ته‌نیاییم

ده‌ڵێم بنووسم شێعرێكی
بۆ ده‌ر بڕینی هه‌سته‌كه‌م
خۆزیا توانیبام ده‌ڕ بڕم
به‌ته‌واوی مه‌به‌سته‌كه‌م
یاڕه‌ب نه‌یێت له‌ پڕ ده‌نگێ
تا نه‌له‌رزێنێ ده‌سته‌كه‌م
زۆر جار كه دێمه سه‌ر نووسین
ده‌چمه‌ فكر له ناخه‌وه
كۆتایی دێنم زوو به زوو
به هه‌ناسه و به ئاخه‌وه
له تاوی دووریت زێده‌كه‌م
مردم به‌ ئاه و تاسه‌وه
یادی دووریه‌كه‌ت كوشتوومی
ئیلهامیش مرد به‌ جارێكی
هه‌زاران جار خه‌ونم بینی
بۆ دیتنی به‌هارێكی
وه‌رزی جوانی به‌هارانت
ئیلهامی شێعره‌كانم بوون
نه‌ورۆزو و یاری ئاگرت
نیشانه‌ی ژینه‌وه‌ی مه‌ بوون
سروودی نه‌ورۆز هاته‌وه
مژده‌ی به‌هاری سازه بوون
سوجده بۆ چیاكان ده‌به‌م
له داوێن و هه‌ر بنارێك
له بن سێبه‌ری هه‌ر دارێك
زۆر جار كه ده‌مهه‌وێت شێعرێك
بۆ جوانی تۆ بهۆنمه‌وه
هه‌ر وه‌ك زوڵفی كیژۆڵه‌یه‌ك
تاڵ تاڵ وشه ده‌دۆزمه‌وه
وه‌رزی به‌هار گوڵ ئاوێزان
وه‌رزی هه‌ڵۆ بۆ چیاكان
هاوین دێت بۆ خه‌له‌و خرمان
وه‌خۆ ده‌كه‌ون وه‌رزێران
پایز دێت به گه‌ڵا ڕێزان
هه‌ژار ‌كه‌وته‌ غه‌می زستان
زستان به شه‌خته‌ و ڕێبه‌ندان
كاتێك كۆماری كوردستان
ئاڵای كوردی شه‌كانده‌وه
وره‌ی دوژمنی شكانده‌وه

ڕیبه‌ندان هه‌یڤی شادییه

هێمای ژین و ئازادییه
به ناوبانگه گۆڤه‌ندی كورد له ڕێ به‌ندان
بۆ ڕێز گرتن له یادی به‌رزی كۆماری كوردستان

هۆگر
بریسبێن ئوسترالیا 2005

به‌ره‌و به‌ره‌ی كوردستانی

هه‌روه‌ك ئاگادارین ماوه‌یه‌كه‌ هێندێك له‌و ڕێكخراو و پارته كوردیانه‌ باس له سه‌ر دروست بوونی به‌ره‌یه‌كی كوردستانی له نێوان حیزب و سازمان و ڕێكخراوه‌كانی ڕۆژهه‌ڵاتی كوردستان ده‌كه‌ن، به‌ڵام له ڕاستی دا بۆ من وه‌ك كوردێكی ڕۆژهه‌ڵاتی كوردستان و به‌و ته‌جروبه‌ تاڵه‌ی كه من له ماوه‌ی ژیانی تێكۆشانمدا له گه‌ڵ یه‌كێك له‌و حیزبانه‌دا له‌و به‌شه‌ی كوردستان به تایبه‌تی شه‌ڕی نێوان حیزبی دێموكڕات و كۆمه‌ڵه وه ‌ده‌ستم هێناوه و خوێندنه‌وه‌ی چه‌ند شه‌ڕه ده‌ندووكێك كه تازه له نێوان پژاك و حدكا و یشک دا په‌یدا بووه بڕێك شك و گومان لام دروست ئه‌بێ و زۆر به مه‌حاڵی ده‌زانم كه‌ ئه‌و حیزب و ڕێكخراوانه تۆزێك ئه‌زموونیان له‌و هه‌موو نه‌گبه‌تییه‌ی ئه‌وان به‌سه‌ر كوردیان هێناوه وه‌رگرتبێ.

هه‌ر هیچ نه‌بێ ده‌بوایه له جه‌ندییه‌تی و جۆنیه‌تی شكسته‌كانی چوارده‌ ساڵی ڕابووردووی باشووری كوردستان و شه‌ڕه نێو خۆییه‌كانیان و یه‌ك نه‌گرتنه‌وه‌ی دوو ئیداره‌ی دروست بوونی گرووپه تیرۆریسته‌كانی وه‌كوو ئه‌نساری سونه‌ وشێخ زاناو گرووپی ئه‌لقائیده تێبگه‌ن و هێندێك ئه‌زموون وه‌ر بگرن. بێ گومان دروست بوونی به‌ره‌یه‌كی هاوبه‌ش له نێوان‌ حیزب و ڕێكخراوه‌كانی ڕۆژهه‌ڵاتی كوردستاندا له‌ ئاو بۆ ماسی زه‌روور تره، به‌ڵام به‌ داخه‌وه‌ له سه‌ده‌ی بیستوو یه‌كیشدا له كاتێكدا گه‌ره‌ترین ئاڵ ‌و گۆڕ له سیاسه‌تی گه‌وره‌ هێزانی ئه‌م سه‌رده‌مه‌‌‌دا به تایبه‌ت دژ به‌ داگیر كه‌رانی كوردستان و ڕۆژهه‌ڵاتی ناوه‌ڕاست به‌ گشتی به‌ چاو ده‌بینن و به‌ گوێ ده‌بیستن و هێندێك جاریش ڕێبه‌رانی ئه‌م پارتانه‌ ده‌عوه‌ت ده‌كرێن و وتووێژیان له‌ گه‌ڵ ده‌كرێ ڕا و بۆچوونیان له سه‌ر وه‌زعی سیاسی ناوچه‌كه لێ ده‌پرسن هێشتا هه‌ر وه‌ك ساڵانی ڕابووردوو بیر ده‌كه‌نه‌وه‌.

خۆ هه‌موومان ئه‌وه‌ ده‌زانین كه‌ ئه‌و ئاڵ و گۆڕانه‌ی پێك هاتوون (بۆ نموونه ڕووخانی دیكتاتۆری ئه‌فله‌قی له عێراق) و شه‌ڕی دژی تیرۆر و فشار هێنان بۆ دیكتاتۆرییه‌تی به‌عسی سووریه‌ و زه‌خت لێ كردن و هه‌ڕه‌شه‌ له كۆماری ئێسلامی ئێران له به‌ر چاوی ڕه‌شی كورد نییه‌، به‌ڵام له‌و نێوانه‌دا گه‌لی كورد به‌ ڕاستی ده‌توانێ باشترین ده‌سكه‌وتی مێژوویی به‌ده‌ست بێنی هه‌ر وه‌كوو له باشوور تا ڕاده‌یه‌ك هێندێك وه‌ده‌ست هاتووه دوای ڕووخانی به‌عس، به‌ڵام دیسانیش هه‌ر وه‌ك نه‌بای هاتبێ و نه‌ بۆران و وه‌ك ساڵانی پێشوو بوونه چۆغه‌ سووری به‌ر له‌شكرێ و هیچ مافێك بۆ كه‌س ناهێڵن و ئه‌میان ئه‌ویان به‌ جاش ده‌زانێ و ئه‌وی تریشیان ئه‌میان به‌ هه‌قدار له مه‌سه‌له‌ی كورد نازانێ، به‌ ڕاستی ئه‌و جۆره بیر و ڕایانه‌ی كه ئێستا ئه‌مانه له سه‌ر یه‌كتریان هه‌یه‌ نه‌ك هیچ خزمه‌تێك به‌ جووڵانه‌وه‌ی مافخوازی گه‌لی كورد ناكات بگره زۆر له‌تمه‌ هه‌م له متمانه‌ی گه‌ل ده‌دات و هه‌م له بوونی ‌خۆیان.

كورد گوته‌نی وانێكی ڕه‌ش و سپی له بوار ده‌ر ده‌كه‌وێ، بۆیه ده‌بێ هه‌مووی ئه‌م بیر ته‌سكی و خۆ به‌ زل زانینانه‌ی حیزبه‌كان وه‌لا بنرێ و هه‌رچی زووتر بیر له‌وه بكه‌نه‌وه‌ كه ئه‌گه‌ر له ئێران ئاڵوگۆڕێك پێك هات چۆن له كاتی پێویستدا ڕیزه‌كانی خه‌ڵك و هێزی پێشمه‌رگه‌ بۆ پاراستنی كورد و كوردستان و وه‌ده‌ست هێنانی مافه‌كانیان ڕێك بخه‌ن و ئه‌و به‌شه بده‌نه‌ ده‌ست كۆمه‌ڵانی خه‌ڵك تا بڕیار بده‌ن كێان ده‌وێ و كێان ناوێ. شه‌ڕی بێ ئاكامی چه‌ند ساڵه‌ی حیزبی دێموكڕاتی كوردستانی ئێران و سازمانی زه‌حمه‌تكێشانی كوردستان حیزبی كۆمۆنیستی ئێران كۆمه‌له كه سه‌دان ڕۆڵه‌‌ی شۆڕسگێڕی گه‌له‌كه‌مان بوون به‌ قوربانی سیاسه‌تی بێ مه‌سئوولانه‌ی هه‌ردوولا ته‌جروبه‌یه‌كی باشه بۆ هه‌ماوو لایه‌ك.

با ئه‌و پرسیاره له خۆیان بكه‌ن كه ئه‌گه‌ر ئه‌م حیزبانه بڕوایان به‌ مافی مرۆڤ هه‌یه و پابه‌ندن به‌ دێموكڕاسی با ئه‌و مافه له خه‌لكی كورد زه‌وت نه‌كه‌ن و بهێڵن خۆیان به كه‌یفی خۆیان حیزبی پێشڕه و ڕێبه‌ر و پێش قه‌ده‌می خۆتان دیاری بكه‌ن و به‌ هیچ شێوه‌یه‌ك نه‌هێڵن جارێكی تر چه‌كی ده‌ستی كورد ڕوو له سینگی ڕۆڵه‌ی كورد بكات، چونكا له هه‌موو كه‌س زیاتر ئێمه‌ی كورد، خۆمان باش ده‌زانین كه له شه‌ڕی كورد كوژیدا كێ قازانج ده‌كات، وا دیسان به‌ڕێز عه‌بدوڵای موعته‌دی داوای پێك هێنانی ئه‌و به‌ره‌یه‌ ده‌كات كه هیوام وایه

هه‌موو لایه‌ك به‌ره‌و پیری بچن و هه‌نگاوێكی پۆزه‌تیڤ بنێن

بۆ خوێندنه وه‌ی بانگه‌وازی پێك هێنانی به‌ره‌یه‌ك له لایه‌ن به‌ڕێز عه‌بدوڵای موعته‌یدی یه‌وه كلیكی ئه‌م لینكه‌ خواره‌وه‌ بكه

http://www.dengekurd.com/index.php?selpage=showFull.php&id=880&archieve=0&ca=1&selectedlink=full

خۆپیشاندانی بریسبێن

ئێواره‌ی ڕۆژی دووشه‌ممه‌ 22 مانگی 8 کات ژومێر 4ی ئێواره به کاتی ئوستڕالیا له لایه‌ن

کورده‌کانی کوینسلانده‌وه له شاری بریسبێن بۆ پشتیوانی کردن له سه‌رهه‌ڵدانی گه‌له‌که‌مان و خۆپیشاندانه‌ جه‌ماوه‌رییه‌کانی له ڕۆژهه‌ڵاتی کوردستان ، له به‌رده‌می هۆڵی شاردا که ده‌که‌وێته نێوه‌ندی شاری بریسبێن خۆ پیشاندانێکی هێمنانه به‌ڕێوه‌ چوو.
له‌م خۆ پیشاندانه‌دا ( ئاندرو بارتلت) نوێنه‌ری پارتی دێمۆکڕاتی ئوستڕالیاوه‌ که جێگری سه‌رۆکی پارته‌که‌یه،‌ وه‌ک له چه‌ند ساڵی‌ ڕابوردوویشدا زۆر به‌ ڕاشکاوی پشتیوانی خۆی بۆ کورد و مه‌حکووم کردنی جه‌نایه‌ته‌کانی ڕژیمی ئاخوندی له چوار چێوه‌ی وتارێکدا پێشکه‌ش کرد.

هه‌ر و‌ه‌ها نوێنه‌ری پارتی کرێکاران( خاتوو کلییه‌ مۆر) به‌ خوێندنه‌وه‌ی په‌یامی حیزبه‌که‌ی و مه‌حکووم کردنی رژیمی ئاخونی سه‌باره‌ت به‌و کرده‌وه‌ دژه مرۆڤیانه‌ی ئه‌و دوایان به‌شداریان کرد.

له لایه‌ن ڕێکخراوی ئه‌مینیستی نێو ده‌وڵه‌تییه‌وه‌ به تێر و ته‌سه‌لی باس له‌ سه‌ر ڕووداوه‌کانی ئه‌م دواییانه‌ی ڕوژهه‌ڵاتی کوردستان و جه‌نایه‌ته‌کانی ڕژیمی ئه‌حمه‌دی نژاد کرد و به‌ڵێنیان دا که بۆ هه‌رچی زووتری ئازاد کرنی به‌ندکراوه‌کان هه‌وڵ بده‌ن.

پاشان په‌یامی کۆمه‌ڵه‌ی کوردی کوینسلاند له لایه‌ن(حه‌سه‌ن سونبولی)‌یه‌و خوێندرایه‌وه،
و په‌یامی حیزبی دێمۆکڕتی کوردستانی ئێرانیش له لایه‌ن (مه‌سعوود پیرانه‌)وه خوێندایه‌وه

دیاره ئێمزایه‌کی زۆر بۆ مه‌حکووم کردنی ڕژیمی ئێران کۆ کرایه‌وه که قه‌راره بده‌رێته‌حکوومه‌تی ئوسترالیا
و به خوێندنی سروودی نه‌ته‌وایه‌تی ئه‌ی ڕقیب له 5:30 ئێواره خۆ پیشاندانه‌که‌ کۆتایی پێ هات

بۆ دیتنی وێنه‌کانی دیکه فه‌رموو بۆ وێنه‌کان

http://wenekan.blogspot.com/